Afgreiðsla og lesstofa

Afgreiðsla og lesstofa Borgarskjalasafns eru á 3. hæð Grófarhúss, Tryggvagötu 15 og er afgreiðslutími mánudaga og þriðjudaga 13:00 - 15:00.

Til að senda inn beiðni um gögn og upplýsingar skal smella hér eða efst á síðunni „Senda fyrirspurn“.

Safnið er öllum opið og enginn aðgangseyrir er að því.

Tekið er gjald fyrir ljósritun skjala samkvæmt gjaldskrá.

Eftirfarandi reglur gilda um notkun skjala á lesstofu Borgarskjalasafns.

1. Óskað er eftir því að gestir riti við komu nöfn sín í gestabók safnsins sem liggur frammi. Gestum er bent á fataslá fyrir yfirhafnir. Gestir skulu snúa sér til skjalavarðar í afgreiðslu með fyrirspurnir sínar og hlíta fyrirmælum hans.

2. Óheimilt er að vera með töskur, poka og eigin bækur á borðum. Heimilt er að hafa á borðum skrifblokkir, pappír, minnisbækur og skriffæri. Æskilegt er að blýantur sé notaður í stað penna.

3. Notkun gsm síma er bönnuð á lesstofu. Ef gestir þurfa að tala í gsm síma er æskilegt að það sé gert lágstemmt frammi í afgreiðslunni eða í stigagangi.

4. Neysla matar og drykkjar er óheimil á lesstofu. Reykingar eru stranglega bannaðar innan veggja safnsins.

5. Gestir skulu hafa hljótt um sig og eru beðnir að valda ekki öðrum ónæði.

6. Bannað er að skrifa í bækur og skjöl eða merkja á nokkurn hátt. Óheimilt er að fylgja línum með fingri, penna- og blýantsoddi. Gögnin eru heldur ekki ætluð sem undirlag við lestur eða skriftir.

7. Ekki má láta bækur hvíla á borðbrún eða liggja í kjöltu sér. Slíkt veldur skemmdum á bókarkili eða blöðum þegar flett er. Skylt er að sýna fyllstu aðgát og tillitssemi í meðferð bóka og skjala og hafa hreinlæti og snyrtimennsku ætíð í heiðri.

8. Hver gestur fær að öllu jöfnu mest lánaðar 3 bækur, böggla eða öskjur í senn. Skjölum í skjalabögglum skal halda í sömu röð og þegar þeir eru afhentir.

9. Pantanir verða ekki afgreiddar eftir að hálftími er til lokunar. Gögnum skal skilað til skjalavarðar á lesstofu eigi síðar en 10 mínútum fyrir lokun.

10. Leita skal heimildar skjalavarðar fyrir ljósritun og skal hann almennt sjá um hana. Gjaldskrá fyrir ljósritun liggur frammi.

11. Við tilvitnanir í gögn fengin á Borgarskjalasafni, skal safnsins getið og vitnað í gögnin í samræmi við viðurkennd fræðileg vinnubrögð.

12. Sé ákvæða þessara ekki gætt, má neita viðkomandi mönnum um afnot af safninu.