Gamall haus


Skjöl varðandi inngöngu Íslands í NATO 4. apríl 1949

Aðild Íslands að Norður-Atlantshafsbandalaginu (NATO) var eitt umdeildasta ágreiningsmálið á pólitískum vettvangi hér á landi á síðustu öld. Þann 30. mars 1949 samþykkti Alþingi þingsályktunartillögu um aðild Íslands að varnarbandalaginu. Í kjölfarið brutust út hatrammar óeirðir á Austurvelli sem lyktuðu með því að lögregla skarst í leikinn og dreifði mannfjöldanum með táragasi.

 

Atlantshafssáttmálinn tók formlega gildi þann 4. apríl 1949 er hann var undirritaður við hátíðlega athöfn í Washington, DC. Bjarni Benediktsson undirritaði sáttmálann fyrir Íslands hönd sem þáverandi utanríkisráðherra. Í einkaskjalasafni Bjarna er að finna afar áhugaverðar heimildir um aðdragandann að aðild Íslands að Atlantshafsbandalaginu. Ber þar hæst minnisblöð og minnispunkta utanríkisráðherra.

 

Þar má meðal eru eftirfarandi skönnuð skjöl um aðdraganda inngöngu Íslands í Norður-Atlantshafsbandalagið og undirritun sáttmálans í Washington, DC. Smellið á hlekki til að skoða skjöl.

 

 

Askja 02-10 (hluti tvö af safninu - Stjórnmálamaðurinn)

 

Örk 4

Bréfa- og málasafn september - október 1948

NATO og Keflavíkurflugvöllur.

Utanríkisráðherra - Bréfritarar: Bjarni Benediktsson, bréf til O. Unden, Seth Brinck, bréf til Viðskiptanefndarinnar 22. september og 18, október, John H. Sweet, Thor Thors.

Frásögn af fundi Bjarna Benediktssonar og Mr. Butrick 8. október

Frásögn af fundi Bjarna Benediktssonar og Kaptain-Löjtenantin Thomsen í danska sjóhernum 27. október.

Utanríkisráðherra - Bréfasafn nóvember – desember 1948. Bréfritarar: Bjarni Benediktsson, John H. Sweet, Paul Dietz, Allis-Chalmers co.til Richard Thors, Thor Thors.

Frásögn af fundi Bjarna Benediktssonar og Mr. Butrick 1., 7., 8. og 11. nóvember

Frásögn af fundi Bjarna Benediktssonar og Mr. G. Knox varðandi norrænu og bandarísku sendinefndanna 11. nóvember.

 

Örk 5

Bréfa- og málasafn janúar – mars 1949.

Samningaviðræður Norðurlanda um varnarbandalag.

Utanríkisráðherra - Bréfa- og málasafn janúar – mars 1949. Bréfritarar: Bjarni Benediktsson, F.J. Saunders, R.P.B. Memorandum for the information of the Prime Minister and the Foreign Minister, Richard P. Butrik, Thor Thors.

Fundir íslensku sendinefndarinnar 1949: Fundur 14. mars 1949: Bjarni Benediktsson, Thor Thors ásamt íslensku fulltrúunum á fund Dean Acheson, utanríkisráðherra. þar voru einnig Mr. Bohlen, Mr. Hickerson og Mr. Hulley, Fundur 15. mars með sömu aðilum og þann 14 auk þess major Gen. Anderson o.fl. Fundur 16. mars.

Minnisblað frá 26. mars, undirritað af Bjarna Benediktssyni, Emil Jónssyni og Eysteini Jónssyni.

 

Örk 6

Bréfa- og málasafn apríl 1949.

North Atlantic Treaty, 4. apríl 1949.

Inngangan í NATO, skjöl 1949-1964 m.a. bréf, fundir, dagskrár fyrirundirskriftina 4. júlí 1949.

The Signing of the North Atlantic Treaty Washington D. C., Apríl 4, 1949. o.fl.

Declaration of Atlantic Atlantic Unity Project.

Uppkast að ræðu Bjarna Benediktssonar, sem hann hélt við undirskriftina 4. apríl. Ræðan á íslensku og ensku. The North Atlantic Treaty: Time Schdule for Signing Ceremony 4. apríl 1949.

Boðskort: The Secretary of State. Signing ceremony of the North Atlantic Treaty 4th of April. The President and Mrs. Trumann, bjóða til kvöldverðar 4. apríl 1949.

Bréfritarar: Dean Acheson, utanríkisráðherra Bandaríkjanna til Bjarna Benediktssonar 8. apríl 1949.H.H. Sandridge, jr. Herman Zettubug (?), dómsmálaráðherra Svíþjóðar, Richard Butrick.

 

Sjá nánar á:

 

www.bjarnibenediktsson.is undir skjalaskrá.

 

Texti: Bára Baldursdóttir og Svanhildur Bogadóttir

 

 

 Gleraugu í gleraugnahulstri.

Share

Til baka...