Gamall haus


Fréttasafn


Staða lögfræðings laus til umsóknar

06.05.2017

Lögfræðingur

Borgarskjalasafn óskar eftir að ráða lögfræðing til starfa við safnið. Um er að ræða nýtt starf sem felur í sér tækifæri að leiða undirbúning safnsins að nýrri persónuverndarlöggjöf, ákvörðun aðgangs að trúnaðargögnum ásamt öðrum verkefnum. 


Hlutverk Borgarskjalasafns Reykjavíkur er söfnun, innheimta, skráning og varðveisla skjala og annarra skráðra heimilda um starfsemi og sögu borgarinnar. Safnið hefur eftirlit með skjalasöfnum afhendingarskyldra aðila og veitir aðgang að skjölum. Það gefur út verklagsreglur um skjalavörslu. Átta starfsmenn eru við safnið. Safnið er til húsa í Tryggvagötu 15 og Vatnagörðum 28 í Reykjavík.
 

Helstu verkefni og ábyrgð

Ákvarða aðgang að trúnaðargögnum og ganga frá þeim til afhendingar. 
Móttaka erinda, rannsóknir og ákvörðun aðgangs.
Undirbúa og aðlaga starfsemi Borgarskjalasafns að nýrri persónuverndarlöggjöf sem tekur gildi árið 2018.
Útfæra verklagsreglur og leiðbeiningar.
Fræðsla um löggjöf um skjalastjórn fyrir borgarstofnanir.
Styðja við eftirlit um skjalavörslu.
Bréfaskipti, greinargerðir, gerð samninga þegar við á, og önnur tilfallandi verkefni.
 

Hæfniskröfur

Kandidatspróf eða meistarapróf í lögfræði.
Þekking á stjórnsýslurétti.
Þekking á upplýsingalögum, persónuverndarlögum og lögum um opinber skjalasöfn er kostur.
Þekking á opinberri stjórnsýslu er kostur.
Skipulögð vinnubrögð.
Frumkvæði og sjálfstæði í vinnubrögðum. 
Mikil hæfni í mannlegum samskiptum og þjónustulund.
Góð kunnátta í íslensku og ensku, í ræðu og riti.
Færni til að vinna undir álagi.
 

Frekari upplýsingar um starfið

Laun eru samkvæmt samningi Reykjavíkurborgar og hlutaðeigandi stéttarfélagi.

Starfshlutfall

100%

Umsóknarfrestur

22.5.2017

Ráðningarform

Ótímabundin ráðning

Númer auglýsingar

2509

Nafn sviðs

Skr. borgarstj. & borgarritara

Nánari upplýsingar um starfið veitir Svanhildur Bogadóttir í síma 664-7775 og tölvupósti svanhildur.bogadottir@reykjavik.is
 
Sótt er um starfið á vef Reykjavíkurborgar eða með því að smella hér
 
Borgarskjalasafn
Tryggvagötu 15
101 Reykjavík